Fransa çempionatında üçüncü turun oyunları keçirilir.
Sportinfo.az xəbər verir ki, Avropa Liqasında “Qarabağ”ın rəqibi olan “Lion” öz meydanında “Strasburq”u qəbul edib.
Matçın gedişində 1:3 hesabı ilə geri düşmələrinə baxmayaraq, "aslanlar" yekunda əzmkar qələbə qazanıblar - 4:3.
Bununla da mövsümdə ilk qələbəsini qazanan “Lion” 3 xalla 11-ci qərarlaşıb. “Strasburq” isə 4 xalla 7-cidir.
Avropa Liqasının Liqa mərhələsi çərçivəsində “Qarabağ” “Lion”u Bakıda qəbul edəcək.
“Lion” - “Strasburq” 4:3
Qollar: Nanasi, 3 (0:1), Tolisso, 45+2 (1:1), Santos, 48 (1:2), Emeqha, 58 (1:3), Maitland-Niles, 61 (2:3), Orban, 63 (3:3); 72 (4:3)
