“Liverpul” və “Nyukasl” yay transfer pəncərəsində “Monako”nun yarımmüdafiəçisi Lamin Kamaranı heyətlərinə qatmaq üçün mübarizə aparmağa hazırlaşır.
Sportinfo.az AS-a istinadən xəbər verir ki, seneqallı futbolçunun çıxışı İngiltərə Premyer Liqasının klubları tərəfindən ciddi şəkildə izlənilir.
“Transfermarkt” portalı Kamaranın bazar dəyərini 35 milyon avro olaraq qiymətləndirir.
22 yaşlı yarımmüdafiəçi cari mövsümdə bütün turnirlərdə 30 oyuna çıxıb, 1 qol vurub və 4 məhsuldar ötürmə verib. Onun klubu ilə müqaviləsinin müddəti 2029-cu ilin yayına qədərdir.
