“Lill”in 18 yaşlı yarımmüdafiəçisi Ayyub Bouaddi Avropanın aparıcı klublarının diqqət mərkəzinə düşüb.
Sportinfo.az xəbər verir ki, bu barədə “Footmercato” məlumat yayıb.
Fransalı futbolçu ilə “Mançester Yunayted”, “Real” və “Arsenal” ciddi şəkildə maraqlanır.
“Lill” isə təklif sərfəli olacağı halda, onunla vidalaşmağa hazırdır. Klub oyunçusunu təxminən 60 milyon avro qarşılığında satmağı düşünür.
Bouaddinin klubu ilə müqaviləsinin müddəti 2029-cu ilin iyununda başa çatacaq.
