Fransalı qapıçı Stiv Mandanda karyerasını bitirmək qərarına gəlib.
Sportinfo.az xəbər verir ki, 40 yaşlı qolkiper bu barədə Fransa mətbuatına açıqlama verib.
“Bu qərarı vermək mənim üçün asan olmadı. Bir qədər düşündükdən sonra fikrimi qətiləşdirdim. Bir çox təkliflər alsam da, hamısından imtina etdim”.
Son olaraq ölkəsində “Renn” klubunun şərəfini qoruyan Mandanda yığmanın heyətində 35 oyun keçirib.
O, 2018-ci ildə Rusiyada keçirilən dünya çempionatında milli komandasına qızıl medal qazanmağa kömək edib.
