PSJ-nin baş məşqçisi Luis Enrike, rusiyalı qapıçı Matvey Safonov ilə ukraynalı müdafiəçi İlya Zabarnı arasında mümkün olan münaqişə barədə fikirlərini bölüşüb.
Sportinfo.az xarici KİV-ə istinadən xəbər verir ki, ispaniyalı çalışdırıcı, futbolun insanlar arasında birliyi gücləndirmək üçün ən yaxşı vasitə olduğunu vurğulayıb:
“İdman və xüsusilə, futbol – insanları birləşdirmək üçün ən yaxşı yoldur. Onları ayırmaq deyil, birləşdirmək lazımdır. Futbolçular, siyasətçilərin siyasi və iqtisadi maraqlarından yuxarıdır”.
Safonov PSJ-yə 2024-cü ilin yayında qoşulub. Paris təmsilçisi Zabarnını isə bu yay “Bornmut”dan transfer edib.
Söz-söhbətə görə, Zabarnı PSJ-yə qoşulmaq şərti olaraq, rusiyalı qapıçı Safonovun komandadan ayrılmasını istəyib.
Rusiya 2022-ci ildən Ukraynaya işğalçı hücumlarını davam etdirir.
