.jpg)
PSJ hücumçusu Randal Kolo Muani üçün istədiyi məbləği müəyyənləşdirib.
Sportinfo.az “Sky Sport”-a istinadən xəbər verir ki, Paris klubu 26 yaşlı futbolçunu 60 milyon avroya qiymətləndirir.
Son mövsümün ikinci yarısını “Yuventus”da icarə əsasında keçirən Kolo Muani A Seriyası təmsilçisinin heyətində özünü yaxşı tərəfdən göstərmiş və klub onunla yollarını davam etdirmək istəmişdi.
Ancaq PSJ-nin maliyyə tələbləri hələ ki, turinlilər üçün əlçatan deyil.
PSJ rəhbərliyi həm dərhal satışa, həm də məcburi satınalma şərti ilə icarəyə açıqdır. İddialara görə, “Mançester Yunayted” və “Tottenhem” də ona maraq göstərir.
Fransalı futbolçu da bildirib ki, “Yuventus”da qalmaq istəyir, ancaq onun gələcəyi PSJ-nin danışıqlardakı mövqeyindən asılı olacaq.
