.jpg)
Fransa millisinin və “Milan”ın müdafiəçisi Teo Hernandes karyerasını Səudiyyə Ərəbistanında davam etdirməyə yaxındır.
Sportinfo.az xarici KİV-ə istinadən xəbər verir ki, 26 yaşlı futbolçunun yeni klubu “Əl-Hilal” olacaq.
Tərəflər arasında aparılan danışıqlar nəticəsində transfer razılaşdırılıb. Müqavilənin əsas məbləği 30 milyon avro təşkil edəcək, əlavə olaraq 5 milyon avro bonus kimi nəzərdə tutulub.
Fransalı futbolçu ötən mövsüm “Milan”ın heyətində 49 oyuna çıxıb, 5 qol vurub və 6 məhsuldar ötürmə edib. Onun klubla müqaviləsinin müddəti 2026-cı ilin yayında başa çatacaq.
