PSJ-nin baş məşqçisi Luis Enrike Fransa Liqa 1-in 27-ci turunun “Marsel”lə matçının (2:0) 65-ci dəqiqəsində Kilian Mbappenin əvəzlənərkən onu təhqir etməsi ilə bağlı məlumatı şərh edib.
Sportinfo.az xəbər verir ki, ispaniyalı mütəxəssis müzakirə olunan xəbərlərdə yalanları görməyin gülməli olduğunu bildirib:
“Müzakirə olunan xəbərlərdə yalanları görmək gülməlidir. Jurnalistikanın başına gələnləri doğuran da budur.
Kimsə bu təhqiri uydurub və burada fərziyyələr yaranır. Mən tamamilə rahatam, işimi bacardığım qədər yerinə yetirirəm. Mən bu oyunda hansı rolu oynadığımı bilirəm”.
Daha əvvəl mətbuatda Mbappenin yaxınlarının baş məşqçinin hücumçuya qarşı hörmətsiz münasibətindən narazı olduğu barədə məlumatlar yayılmışdı.
.jpg)
.jpg)
