PSJ-nin hücumçusu Kilian Mbappe yay transfer pəncərəsində Fransa klubunu tərk edərək “Real”a keçə bilər.
Sportinfo.az xəbər verir ki, Mbappenin Madrid klubu ilə müqaviləsi 2029/2030 mövsümünün sonuna qədər – altı il davam edəcək.
Fransalı futbolçunun maaşı mövsüm başına 60 milyon avro olacaq. Vergilərdən sonra hücumçu ildə təxminən 32 milyon avro alacaq.
Bundan əlavə, Mbappe İspaniya klubu ilə müqavilə imzaladığı üçün 100 milyon avro alacaq.
Fevralın 5-də PSJ-nin nümayəndəsi 25 yaşlı futbolçunun “Real”a keçmək qərarı ilə bağlı məlumat aldığını bildirib.
