.jpg)
PSJ-nin keçmiş futbolçusu Jerom Roten fransalı hücumçu Kilian Mbappe haqda danışıb.
Sportinfo.az xəbər verir ki, o, baş məşqçi Luis Enrikenin Mbappenin Fransa klubunda qalması üçün səy göstərdiyini deyib:
“Mbappe serialı artıb bitib. Hər şey yaxşıya doğru gedir. PSJ-nin hazırkı heyəti yaxşı formadadır.
Əminəm ki, baş məşqçi Luis Enrike də Mbappenin Paris klubunda qalması üçün səy göstərir”.
Paytaxt təmsilçisi avqustun 13-də Mbappenin əsas komanda ilə məşqlərə qayıtdığını açıqlayıb.
Xatırladaq ki, Fransa millisinin oyunçusu PSJ ilə müqavilə imzalayıb-imzalamamaqla bağlı yekun qərar vermədiyi üçün Liqa 1-in birinci turunun “Loryan”la matçını (0:0) buraxmışdı.
O, 2-ci turun “Tuluza” ilə qarşılaşmasında (1:1) fasilədən sonra oyuna daxil olub və penaltidən fərqlənib.
