PSJ-nin baş məşqçisi Kristof Qalte “İnter”in futbolçusu Milan Skriniarın mümkün keçidi haqda danışıb.
Sportinfo.az xəbər verir ki, o, slovakiyalı müdafiəçini uzun müddətdir izlədiyini deyib:
“Skriniarın bu ay və ya yay aylarında bizə qoşulacağını dəqiq deyə bilmərəm. Mən onun oyununu uzun müddətdir izləyirəm.
Skriniar əsas transfer hədəflərimizdəndir. 2022/23 mövsümü başlamazdan öncə onunla müqavilə imzalamağa yaxın idik”.
Futbolçunun agenti onun “İnter”lə cari müqaviləsini yeniləmək fikrində olmadığını deyib. Skriniar 2022/23 mövsümünün sonunda azad agent kimi İtaliya klubunu tərk edə bilər.