Fransa yığmasının baş məşqçisi Didye Deşam Qətərdəki dünya çempionatının finalında Argentinaya qarşı keçirəcəkləri oyundan öncə fikirlərini bölüşüb.
Sportinfo.az xəbər verir ki, o,bunları söyləyib:
“Möhtəşəm bir atmosferdə final oynayacağıq. Matçın sonunda komandalardan biri üçüncü dəfə dünya çempionu olacaq.
Tribunalarda argentinalı fanatların daha çox olması ehtimalı bizi qorxutmur. Çünki meydanda bizimlə onlar yox, Argentina yığması qarşılaşacaq.
Ümid edirəm ki, festival kimi bir atmosfer görəcəyik. Dörd il öncə də Argentina yığmasıyla qarşılaşmışdıq.
Amma indiki komanda fərqlidir. Düzülüşləri, oyun anlayışları çox fərqlənir. Argentinanı analiz edən bir komandamız var. Fərqli senarilərə hazır olmalıyıq.
Fransa yığmasını çalışdırmaq mənim üçün çox möhtəşəm bir fürsət idi. Amma mənim üçün milli komanda və onun nəticələri daha önəmlidir.
Yığmadakı gələcəyim finalın nəticəsindən asılı olmayacaq”.
