.jpg)
"Qarabağ"ın Avropa Liqasının qrup mərhələsindəki rəqiblərindən olan "Nant" Fransa Liqa 1-də növbəti oyununu keçirib.
Sportinfo.az xəbər verir ki, Antuan Kambuarenin baş məşqçi olduğu komanda VIII turda "Lans"ı qəbul edib.
Vaxtilə azərbaycanlı iş adamı Hafiz Məmmədova məxsus olmuş «Lans»la qarşılaşma qolsuz bərabərliklə başa çatıb.
Bu nəticədən sonra xallarının sayını 7-yə çatdıran "Nant" 15-ci pillədə qərarlaşıb. 18 xala malik "Lans" isə 4-cü sıradadır.
"Qarabağ" qrup mərhələsinin II turunda Bakıda "Nant"ı 3:0 hesabı ilə məğlub edib. Komandalar arasında V tur oyunu oktyabrın 27-də Fransada olacaq.
