"Nant" Aavropa Liqasının qrup mərhələsinin 2-ci turunda "Qarabağ"la matç üçün Bakıya gəlib.
Sportinfo.az xəbər verir ki, Fransa təmsilçisini daşıyan şəxsi təyyarə ötən gün axşam saatlarında Heydər Əliyev adına Beynəlxalq Hava Limanına enib.
Bu, Avropa Liqasının 2022/23 mövsümündəki ən uzaq səfərlərindən olub. Ölkələr arasındakı məsafə 4,118 km-dir.
"Nant"ın baş məşqçisi Antuan Kambuare bu gün saat 17:15-də mətbuat konfransı təşkil edəcək. 18:00-da isə Liqa 1 klubu oyundan öncə son məşqini keçirəcək. "Nant" görüşdən dərhal sonra Fransaya qayıdacaq.
Sabah Tofiq Bəhramov adına Respublika Stadionunda oynanılacaq "Qarabağ" - "Nant" qarşılaşması saat 20:45-də başlayacaq.
.