"Qarabağ"dan 1,6 milyon avro qarşılığında "Sent-Etyen"ə keçən İbrahima Vadji Fransa klubunda qol hesabını açıb.
Sportinfo.az xəbər verir ki, seneqallı hücumçu Liqa 2-nin 8-ci turunda bu gün "Bordo" ilə keçirilən oyunda fərqlənib.
O, matçın 35-ci dəqiqəsində hesabı açıb. Vadji 2:0 hesabı ilə qalib gəldikləri oyunda 90 dəqiqə meydanda olub.
Vadji bundan əvvəlki turda "Pau" ilə oyunda "Sent-Etyen"də debüt edib və komandasına penalti qazandırıb.
"Sent-Etyen" hazırda 7 xalla 12-ci, "Bordo" isə 14 xalla liderdir.