PSJ braziliyalı hücumçu Neymarla yollarını ayırmağa hazırdır.
Sportinfo.az xəbər verir ki, klub rəhbərliyi Lionel Messi ətrafında komanda qurmağı planlaşdırır.
Məlumata görə, parislilər Neymar üçün gələn təkliflərə açıq olduqlarını bildiriblər.
Növbəti mövsümdən komandanı yeni baş məşqçi çalışdıracaq. Ona görə də bu yaydan başlayaraq komandanın yenilənməsi həyata keçiriləcək.
Rəhbərlik Messidən maksimum yararlanmağa çalışmaq niyyətindədir.
Bir müddət əvvəl məlumat yayılmışdı ki, Leo daha bir mövsüm PSJ-də qalmaq istəyir.
