PSJ-in baş məşqçisi Maurisio Poçettino tezliklə Fransa klubunu tərk edə bilər.
Sportinfo.az xəbər verir ki, argentinalı ilə klub rəhbərliyi arasında görüş olub.
Tərəflər əməkdaşlığı davam etdirmək istəmədikləri qənaətinə gəliblər.
O da bildirilir ki, “Tottenhem”in baş məşqçisi Antonio Konte parislilərə öz xidmətini təklif edib. İtalyan mütəxəssis PSJ ilə iki illik müqavilə imzalamaq istəyir.
Aprelin 23-də PSJ Poçettinonun rəhbərli ilə Fransa çempionluğunu təmin etdi. Bu, Paris klubunun 10-cu çempionluğudur.