PSJ-in sabiq yarımmüdafiəçisi Jerom Roten Serxio Ramos haqda danışıb.
Sportinfo.az xəbər verir ki, Roten Ramosu iş görməkdən çox, danışmaqda ittiham edib:
“Ramos oyundan əvvəl deyir ki, gələn mövsüm də klubda qalmaq istəyir. Onun qalmaq istəməsi təəccüblü deyil, ayda 1 milyon avrodan çox qazanır.
Qoy qazansın, amma səsini də kəssin. Klubda qal, müqavilə bağla və meydanda öz işini gör”.
Xatırladaq ki, Fransa çempionatının 30-cu turunda PSJ "Loryan"i 5:1 hesabı ilə məğlub edib.
Ramos yanvarın 23-dən bəri ilk dəfə meydana çıxıb. Azarkeşlərin əksəriyyəti ispan müdafiəçini dəfələrlə fitə basıb.
