Fransa Liqa 1-də XXV turun son oyunu keçirilib.
Sportinfo.az xəbər verir ki, "Velodrom" stadionunda "Marsel" və "Klermon" üz-üzə gəlib.
Görüş qonaqların qələbəsi ilə yekunlaşıb - 2:0. Hesabı 13-cü dəqiqədə Məhəmməd Bayo açıb. 84-cü dəqiqədə isə Cim Allevina son nöqtəni qoyub.
Bu nəticədən sonra "Marsel" 46 xalla 2-ci, "Klermon" isə 27 xalla 15-ci pillədə yer alıb.
"Marsel" növbəti oyununu fevralın 24-də Bakıda "Qarabağ"a qarşı keçirəcək.
Tofiq Bəhramov adına Respublika stadionunda təşkil olunacaq UEFA Konfrans Liqasının pley-off mərhələsinin cavab görüşü saat 21:45-də başlanacaq.
