"Bütün turnirlərdə oynaya biləcək komandamız var".
Sportinfo.az xəbər verir ki, bunu "Qarabağ"ın UEFA Konfrans Liqasının pley-off mərhələsindəki rəqibi olan "Marsel"in futbolçusu Valenten Ronjye komandanın qarşısında duran hədəflər barədə yerli mətbuata açıqlamasında deyib.
28 yaşlı yarımmüdafiəçi bildirib ki, çıxış etdikləri hər 3 cəbhədə - Liqa 1, ölkə kuboku və avrokuboklarda titul qazanmaq istəyirlər
"Bu səbəbdən qarşıdakı bütün matçlarda qalib gəlmək üçün hər şeyi edəcəyik".
"Qarabağ" və "Marsel" komandaları arasında ilk görüş fevralın 17-də Fransada baş tutacaq. Cavab oyunu isə 1 həftə sonra Bakıda olacaq.
Bu arada, "L Equipe" nəşri "Marsel"in fevralın 27-də "Trua"ya qarşı keçirəcəyi Liqa 1 görüşünün təxirə salınması üçün Fransa Peşəkar Futbol Liqasına müraciət etdiyini yazıb.
İddiaya görə, klub Bakıda Ağdam təmsilçisinə qarşı ikeçirəcəyi oyunu və mümkün yol yorğunluğunu nəzərə alaraq bu addımı atıb.
