Konfrans Liqasının pley-off mərhələsində "Qarabağ"ın rəqibi olan "Marsel" Fransa Liqa 1-də XXII turun görüşünə çıxıb.
Sportinfo.az xəbər verir ki, səfər oyununda rəqib vaxtilə azərbaycanlı iş adamı Hafiz Məmmədovun satın aldığı "Lans" olub.
Qarşılaşma "Marsel"in qələbəsi ilə başa çatıb - 2:0. Hesabı 34-cü dəqiqədə penaltidən Dimitri Paye açıb. 77-ci dəqiqədə isə yeni transfer Sedrik Bakambu yekun nəticəni müəyyənləşdirib.
Bununla da xalını 40-a çatdıran "Marsel" ikinci pilləyə yüksəlib. Komandanın ehtiyatda bir oyunu var. "Lans" isə 22 oyundan 33 xalla 7-cidir.
Turnir cədvəlinə 50 xalla PSJ başçılıq edir.
"Qarabağ" "Marsel"lə ilk matçını fevralın 17-də səfərdə, cavab görüşünü fevralın 24-də evdə keçirəcək.