“Lion”un prezidenti Jan-Mişel Olyas istefa vermək niyyətində deyil.
Sportinfo.az xəbər verir ki, 72 yaşlı prezident Avropada titul qazanmağı hədəfləyib.
O, bu hədəfinə çatmayana qədər postunu tərk etməyəcək:
“Düzdür, bu il klubun idman blokunda bir az dağınıqlıq var. Ən yaxşı olmayan bir seçim etdik.
Juninyonun idman direktoru vəzifəsindən getməsi ürəyimizi ağrıdır. Bununla belə, istər Juninyo ilə olsun, istərsə də onsuz, uzunmüddətli perspektivdə zirvəyə çıxmaq üçün layihəmiz var.
Mən “Lion”la Avropada kubok qazanmadan getməyəcəyəm. Ona görə də, hətta fırtınada olsa da, bu hədəfə çatmağa çalışacağıq. Gələcəyə sərmayə qoymağa davam etmək niyyətindəyik”.
