.jpg)
Fransa Liqa 1-də XXI turun son oyunu "Marsel" və "Lill" arasında keçirilib.
Sportinfo.az xəbər verir ki, "Velodrom" stadionunda təşkil olunmuş qarşılaşma heç-heçə ilə yekunlaşıb - 1:1.
Hesabı 15-ci dəqiqədə qonaq komandadan Sven Botman açıb. 32-ci dəqiqədə Andre Bencamin qırmızı vərəqə alaraq, "Lill"i azlıqda qoyub.
Meydan sahibləri say üstünlüyündən 75-ci dəqiqədə yararlanmağı bacarıb. Türkiyəli futbolçu Cengiz Under komandanın lideri Dimitri Payenin ötürməsindən sonra bərabərlik qolunu vurub.
Bu nəticədən sonra "Marsel" 37 xalla 3-cü pillədə qalıb. 29 xala malik "Lill" isə 10-cu pilləyə yüksəlib.
"Marsel" Konfrans Liqasının pley-off mərhələsində "Qarabağ"la üz-üzə gələcək.
İlk oyun fevralın 17-də "Velodrom"da, cavab görüşü fevralın 24-də Tofiq Bəhramov adına Respublika stadionunda keçirilməlidir.
