PSJ-nin ulduzu Lionel Messi ABŞ-da futbol oynamaq istəyir.
Sportinfo.az xəbər verir ki, bu barədə argentinalı hücumçu özü açıqlama verib.
O, karyerasının bir hissəsini ABŞ-da keçirmək istədiyini etiraf edib:
“Orada futbol oynamaq və yaşamaq maraqlı gəlir. Karyeramın növbəti dönəmlərinin birində bunu reallaşdırmaq istəyirəm. Lakin alınacaqmı, bilmirəm”.
İspaniya mətbuatının xəbərinə görə, Messi 2023-cü ildə MLS təmsilçisi “İnter Mayami” ilə müqavilə imzalaya bilər. Klubun sahibi ingiltərəli keçmiş futbolçu Devid Bekhemdir.
