“Qələbə qazanmağı qarşımıza məqsəd qoymuşuq.
Bu, turnirin yeni mərhələsinə qədər özümüzə olan inamı artırmağa imkan verəcək.
Portuqaliya ilə qarşılaşma asan bir sınaq deyil. Rəqib hələ pley-offa vəsiqəni təmin etməyib. Qrupda mümkün olan ən yüksək yeri tutmağa çalışacağıq".
Sportinfo.az xəbər verir ki, bu sözləri Fransa millsinin qapıçısı Huqo Loris Avro-2020-nin qrup mərhələsinin sonuncu turunda Portuqaliya ilə oyun öncəsi UEFA-nın saytına açıqlamasında deyib.
O, rəqib komandanın kapitanı Kriştiano Ronaldo haqda da danışıb: "Ronaldonu təqdim etməyə ehtiyac yoxdur. O, komandasının pley-off mərhələsinə vəsiqə qazanması üçün hər şeyi edəcək. Ronaldo futbol tarixinin ən böyük oyunçularından biridir".