.jpg)
Premyer Liqanı sonuncu pillədə başa vuracağı dəqiqləşən “Qəbələ” turun sensasiyasına imza atdı.
Uzun müddətdir çempionatda qələbə üzünə həsrət qalan bölgə təmsilçisi “Səbail”i 3:2 hesabı ilə məğlub etdi. Həm də səfər matçında.
Kaxaber Tsxadadzenin rəhbərlik etdiyi kollektiv bu qalibiyyətlə bir çox uğursuz sindromlara son qoymuş oldu.
“Qəbələ” sonuncu dəfə qələbənin ləzzətini ötən il dadmışdı. 5 ay əvvəl, dekabrın 22-də “Sabah”la Qəbələdəki görüşdə Murad Musayevin vurduğu qol həlledici olmuşdu.
“Qəbələ” cari Premyer Liqa mövsümündə ilk və sonuncu səfər qələbəsini ötən il oktyabrın 1-də qazanmışdı.
Həmin gün səfərdə “Kəpəz”i məğlub edən “qırmızı-qaralar” son 7 ayda keçirdiyi 11 səfər görüşünün 8-də məğlub olub, 3-nü heç-heçə başa vurmuşdu.
Bu qələbədən sonra xal ehtiyatını 20-yə yüksəldən bölgə təmsilçisi ən yaxın rəqibləri “Araz-Naxçıvan”la “Kəpəz”dən 15 xal geri qalır.
HƏBİB / SPORTİNFO.AZ
.jpg)
