"Qəbələ" Adriel Ba Loua ilə yolları ayırıb.
Sportinfo.az xəbər verir ki, bu barədə klubun rəsmi saytı məlumat yayıb.
Kot-d'İvuarlı yarımmüdafiəçinin müqaviləsi başa çatdıb və o, komandadan ayrılıb.
2025-ci ilin yayından "Qəbələ"də çıxış edən futbolçu bu müddətdə 35 oyunda 4 qol vurub.
O, Premyer Liqada 30 (4 qol), pley-offda 1, ölkə kubokunda 4 matça çıxıb. Adriel bu qarşılaşmalarda ümumilikdə 11 assistə imza atıb.
"Qəbələ" bundan əvvəl Murad Musayev, Rza Cəfərov, Sambu Sissoko, İbrahim Sanqare, Rüfət Əhmədov və Turan Manafovla da yolları ayırıb.
