Azərbaycan Premyer Liqasında sonuncu - XXXIII tura start verilib.
Sportinfo.az xəbər verir ki, turun açılış matçında “Qəbələ” “Şamaxı”nı qəbul edib.
Qəbələ şəhər stadionunda keçirilən qarşılaşma meydan sahiblərinin 3:1 hesablı qələbəsi ilə yekunlaşıb.
Baş hakim Kamranbəy Rəhimovun idarə etdiyi görüşdə “Qəbələ”nin qollarını Seydina Keyta (4), Domi Massumo (33) və Nicat Əliyev (36) vurublar. “Şamaxı”nın yeganə qoluna isə Karim Rossi (15) imza atıb.
Bu nəticədən sonra “Qəbələ” 27 xalla 11-ci, “Şamaxı” isə 38 xalla 8-ci pillədə qərarlaşıb.
“Qəbələ” – “Şamaxı” 3:1
