“Əlbəttə, ard-arda oyunlar olanda fiziki baxımdan müəyyən çətinliklər yaranır”.
Bu sözləri Sportinfo.az-a açıqlamasında “Qəbələ“nin müdafiəçisi Eduardo Kunde deyib.
“Qırmızılar“ Premyer Liqanın son iki turunda məğlubiyyətlə üzləşib. “Neftçi”yə səfərdə, doğma rayonda “Sabah“a 0:1 hesabıyla uduzublar.
Maraqlıdır, bunda sıx qrafikdə oynamağın rolu var?
Almaniyalı legioner yorğunluq ehtimalını yaxına buraxmayıb:
“Ancaq bunu bəhanə gətirmək doğru olmaz. Peşəkar futbolçularıq, hər bir vəziyyətə hazır olmalıyıq.
Buna görə uduzduğumuzu deyə bilmərəm. Bu rəqiblər bizi aşkar üstələsəydi, o cür düşünmək olardı.
Lakin meydanda bərabərsəviyyəli futbol var idi. Bəxtimiz heç gətirmədi”.
