“Heyət genişləndikcə, mənim də əhvalım yaxşılaşır”.
Bu sözləri Sportinfo.az-a açıqlamasında “Qəbələ”nin çalışdırıcısı Kaxaber Sxadadze deyib.
Komandaya yeni oyunçuların qoşulmasından danışan gürcüstanlı mütəxəssis bildirib ki, bu, hər bir məşqçinin arzusudur:
“Həmişə dediyim söz var - rəqabət olmayan yerdə uğura qazanmaq mümkün deyil. İndi məni ən çox sevindirən komandada rəqabətin olmasıdır.
“Şamaxı”ya qarşı üç futbolçumuz olmadan oynadıq və istədiyimiz qələbəni qazandıq.
Təsəvvür edin, növbəti görüşlərdə həmin üç nəfər bizimlə olacaq, üstəlik, iki yeni futbolçu qoşulacaq.
Heyət geniş olanda biz məşqçilər heyəti rotasiyalara əl ata, oyunumuzu rəqibə uyğun qura bilirik”.
