“Qəbələ” rəhbərliyi komandanı Premyer Liqada saxlamaqdan ötrü hərəkətə keçib.
Kisənin ağzını geniş açıblar.
“Qırmızı-qaralar“ mövsümün ikinci yarısında yaxşı pul qazana bilərlər. Onlar üçün artıq böyük stimul var - mükafat.
Əyalət təmsilçisi qarşıdakı çempionat oyunlarında qazanacağı hər qələbəyə görə iri məbləğdə «ənam» alacaq. Təklif olunan vəsait kifayət qədər ciddidir - 3000-4000 manat.
Rəqəmlər rəqiblərdən asılı olaraq dəyişəcək. İddialılarla qarşılaşmalara görə vəd edilən mükafatla digərləri bir tutulmayacaq.
Kaxaber Sxadadzenin çalışdırdığı komanda hazırkı təhlükəli zonadadır. 16 tura 8 xal toplamış kollektiv turnir cədvəlinin 11-ci pilləsinə yuvarlanıb.
Gürcüstanlı baş məşqçi rəhbərliyə söz verib ki, “Qəbələ“ni elitada saxlayacaq. Ona inanıblar. Mükafat fondunun artırılması da elə bunun təzahürüdür. Güvən olmasa, bu jesti niyə etsinlər ki..?
SPORTİNFO.AZ
