“Bu gün azı 13-15 xalımız olmalıydı. Bəlkə də daha çox”.
Bu sözləri Sportinfo.az-a açıqlamasına “Qəbələ”nin vingeri Domi Massumo deyib.
Konqo Respublikasından olan legioner Premyer Liqamızda ilk mövsümünü keçirir. 2024-cü ildən “qırmızı-qaralar”ın formasını geyinən afrikalı komandanın cari çıxışını dəyərləndirib:
“On beş turdan sonra “Qəbələ”nin aktivində 8 xal var. Bu, təbii ki, normal göstərici deyil.
“Neftçi” ilə qarşılaşmada 4-5 real qol imkanını boşa verdik, “Zirə”ylə səfər qarşılaşmasında penaltidən yararlana bilmədik, qapımızdan asan qol buraxdıq.
“Karvan-Yevlax”la ilk turdakı oyunda qalib gəlməliydik. Günahı özümüzdə axtarmalıyıq”.
