"Atletik"in futbol akademiyasının yetirməsi, bir müddət “Qəbələ”nin qapısını qorumuş Kristof Atanqana Azərbaycandakı legioner həyatını xatırlayıb.
Sportinfo.az xəbər verir ki, İspaniyanın “Deia” nəşrinə danışan "Qəbələ"yə transferinin necə baş tutmasından danışıb:
"Qəbələ"yə keçmək fürsətim yarananda tərəddüd etdim, əmin deyildim. Ailəmlə danışdım və dedilər ki, Bask bölgəsindən 12 min kilometr uzaqlaşlıqdakı komandaya keçmək dəlilik olardı.
Amma mən bir az inadkaram və bu çətinliyi qəbul etdim. Başlanğıc qəribə idi; nə qədər addım atdığımın fərqinə varmadım, amma bir neçə həftə sonra tamamilə fərqli bir dünya olduğunu başa düşdüm.
Yaşıl dağları ilə mənə daha çox Bilbaonu xatırladan şəhər təəccübləndirdi. Yaxşı ki, ingiliscə danışıram.
Çünki bu da mənə kömək oldu. Ora bir illik getmişdim, üç il qaldım”.
