Cari mövsümə istədiyi kimi başlayan bilməyən “Qəbələ” 3-cü turda qonaq olacaq.
Bölgə təmsilçisi paytaxtda “Araz-Naxçıvan”la münasibətlərinə aydınlıq gətirəcək.
Naxçıvan təmsilçisinin baş məşqçisinin və bəzi futbolçularının vaxtilə “Qəbələ”nin uğurları üçün tər tökməsi oyuna marağı kifayət qədər artıracaq.
Lakin bi məsələ də var ki, başında əcnəbi mütəxəssis – Kaxaber Tsxadadzenin dayandığı “qırmızı-qaralar” qələbə həsrətinə son qoymaq, ən pis halda doğma şəhərə heç-heçə ilə qayıtmaq istəyir.
Komandasının əsas heyət üzvlərindən olan qanalı mərkəz müdafiəçisi İsaak Amoah Sportinfo.az-a matçla bağlı fikirlərini bölüşüb:
“Bəli, hələ ki, qələbə qazana bilməmişik. Sevindirici məqam odur ki, komanda oyundan-oyuna artırır, anlaşma səviyyəsi yaxşılaşır.
“Araz” barədə müəyyən məlumatlara sahibəm. Keyfiyyətli futbolçuları var, Konfrans Liqasında oynayıblar, dinamik komandadır.
Lakin biz diqqəti daha çox öz çıxışımıza ayırmışıq. Məqsədimiz “Zirə”yə qarşı sərgilədiyimiz futbolu nümayiş etdirərək səhvlərə yol verməməkdir.
Bunu bacarsaq, istəyimizə çata bilərik. Favorit “Araz”dır, bu, öz yerində.
Bizə birlik və mübarizlik kömək edə bilər. Komanda yoldaşlarıma inanıram”.
Avqustun 30-da “Liv Bona Dea Arena”da keçiriləcək görüş saat 20:30-da start götürəcək.
HƏBİB
