Yeni mövsümün hazırlığını davam etdirən “Qəbələ” növbəti transferini gerçəkləşdirib.
Sportinfo.az xəbər verir ki, bu barədə klubun mətbuat xidməti məlumat yayıb.
“Qırmızı-qaralar” Xayme Syerranı heyətinə qatıb. 27 yaşlı ispaniyalı yarımmüdafiəçi ilə 2 illik müqavilə imzalanıb.
Xaymenin son klubu Xorvatiya təmsilçisi “Varajdin” olub.
Yeniyetmə yaşlarında “Karabançel”, “Real” və “Valensiya”da çıxış edən yarımmüdafiəçi peşəkar karyerasında vətənində “Leqanes”, “Loqrones”, “Kultural Leonesa”, “Atletiko Baleares”, Belçikada “Deyinze” klublarında forma geyinib.
Klub onun transfer xəbərini maraqlı video ilə yayımlayıb. Belə ki, o, itiylə kamera önünə keçib.
