.jpg)
«Qəbələ» aldadılıb.
Onu aldadan isə polşalıdır.
Kevin Komar sağ göstərib, sol göstərib. Polşalı qapıçı I Liqanın çempionu kimi Premyer Liqaya dönən əyalət təmsilçisinə yalan vəd verərək, Kiprə yollanıb.
Halbuki «qırmızı-qaralar» 22 yaşlı kiperlə 1+1 illik müqavilə şərtlərini razılaşdırmışdı.
Di gəl, polyak kiper Qəbələnin Bakıdan xeyli uzaqda yerləşməsini, burada darıxacağını söyləyərək, son anda kontrakta imza atmaqdan, münasibətləri rəsmiləşdirməkdən imtina edib.
2022-ci ildən «Puşça»nın formasını geyinən «əlcək sahibi» əvvəl «ok» dediyi maaşın da az olmasını bəhanə gətirib.
«Qəbələ» daha öncə İsaak Amoah (son klubu “Atletiko Sanlukenyo”, İspaniya), Paulo Quimbila (son klubu "Əl-Əhli, Bəhreyn) və Adriel Ba Louanı (son klubu “Kan”, Fransa) sıralarına qatıb.
SPORTİNFO.AZ
