“Budəfəki çempionat çox-çox ağır olacaq”.
"Qəbələ”nin baş məşqçisi Kaxaber Sxadadze Sportinfo.az-a açıqlamasında belə deyib.
“Qırmızı-qaralar”ı I Liqanın çempionu kimi Premyer Liqaya qaytaran gürcüstanlı çalışdırıcı “növbəti mövsümdə “Qəbələ”nin avrokuboklara vəsiqə uğrunda mübarizə aparması nə dərəcədə real görünür” sualına cavabında aşağıdakıları söyləyib:
“Ötən Premyer Liqa mövsümündəki vəziyyəti gördük. Bu dəfə daha ağır olacaq. “Qarabağ”, “Zirə”, “Araz-Naxçıvan”, “Turan Tovuz”, “Sabah”, yəqin ki, “Neftçi” də başqa cür qayıdacaq.
O ki qaldı “Qəbələ”yə, yenə deyirəm, indidən gələcək haqda danışmaq çətindir. Hər şey aparacağımız seleksiyadan və keçəcəyimiz hazırlıqdan asılı olacaq.
Görək büdcə nə qədər olacaq, transferlərə hansı məbləğdə vəsait ayrılacaq”.
