![Bu ağır günlərdə Premyer Liqa klubunun çörəyini unutmadılar - FOTOLAR](https://www.sportinfo.az/media/2024/05/15/screenshot_20240514_171759_instagram.jpg)
AFFA İcraiyyə Komitəsinin son iclasında hər kəsi üzən "Qəbələ" ilə bağlı qərar oldu.
Belə ki, federasiyanın mərhəmətinə bel bağlayan klubun son ümidləri də puç çıxdı.
İK-a yeni mövsüm "qırmızı qaralar"ın Birinci Liqada çıxış edəcəyinə qərar verdi.
Yaxın keçmişdə Avropa Liqasının qrup mərhələsində ölkəmizi təmsil edən klubun indi aşağı liqaya yuvarlanmasına ən çox üzülənlar arasında klubun sabiq üzvləri oldu.
Onların şəxsi hesablarından etdikləri paylaşımlar belə düşünməyə əsas verir.
Əksəriyyəti "Qəbələ"nin öz yetirməsi olan sabiq futbolçular bununla şərəfini qoruduqları klubun pis günündə mənəvi dəstək nümayiş etdirmiş olublar.
Söhbət Cavid Hüseynov, Qismət Alıyev, Tərlan Əhmədli, Ehtiram Şahverdiyev, Samir Zərgərov, İdris İnqilablı, Rauf Rüstəmli, Kamal Mirzəyev, Sadiq Quliyev və Tellür Mütəllimov kimi adlardan gedir.
XANOĞLAN / SPORTİNFO.AZ