“Qurban böyük məşqçidir və nə etdiyini bilir”.
Bu sözləri Sportinfo.az-a açıqlamasında “Qəbələ”nin yeni baş məşqçisi Kaxaber Sxadadze deyib.
Ötən ay “qırmızı-qaralar”la 1,5 illik müqavilə imzalayan gürcüstanlı mütəxəssis “Qarabağ”ı çalışdıran Qurban Qurbanov haqda danışıb:
“O, heç kimdən çəkinmir. Bu, çox gözəl xüsusiyyətdir.
“Bayer Leverkuzen”? Hə, nə olsun ki Bundesliqada birinci yerdədirlər.
“Braqa”ya 0:2 hesabı ilə uduzan komanda 10 nəfərlə 2 qol vurmağı bacardısa, “Bayer”ə də yenə gücünü göstərəcək.
0:2-dən sonra “Qarabağ”ın növbəti mərhələyə yüksələcəyinə kim inanırdı? Demək ki, istəyəndə, mümkünsüzü mümkün etmək olur”.