“Qəbələ”nin dərdi bitmir ki, bitmir.
Qırmızı vərəqələrin bolluğu, zədəli futbolçuların çoxluğu, qol vəziyyətlərinin sağa-sola xərclənməsi komandanın sonuncu pillədə qərarlaşmasını şərtləndirib.
Qarşıdan “Zirə” ilə oyun gəlir ki, bu dəfə vəziyyət lap betər olacaq.
Bölgə təmsilçisi birdən-birə 5 futbolçunun xidmətindən yararlana bilməyəcək.
“Neftçi”ylə görüşdə qırmızı vərəqə ilə qovulan Zurab Oçiqava ilə Əyyub Allaş matçı kənardan izləyəcək.
Asif Məmmədov, Ürfan Abbasov, Gilad Abramov – bu futbolçuların da ötən oyunda sarı vərəqə limitini doldurduqları üçün cəzalı duruma düşüb.
Ahmed Ayzaya isə zədəli olduğu üçün zirəlilərə qarşı oynaya bilməyəcək.
Premyer Liqanın 21-ci turu çərçivəsində fevralın 4-də keçiriləcək “Qəbələ” – “Zirə” qarşılaşması saat 17:30-da başlayacaq.
HƏBİB / SPORTİNFO.AZ
