«Qəbələ» Ahmed Ayzayanı böyük miqdarda cərimələyib.
Səbəbi maraqlıdır - onun gecə həyatına hədsiz bağlanması.
İdmançı rejiminə əməl etməyən, bu səbəbdən tez-tez zədə alan nigeriyalı legionerin hərəkətləri Elmar Baxşıyevi boğaza yığıb.
Baş məşqçi xəbərdarlıqlarına məhəl qoymayan yarımmüdafiəçinin başqa yolunu tapmayıb, onun cərimələnməsi üçün rəhbərliyə raport verib.
«Qırmızı-qaralar» 29 yaşlı Ayzaya ilə 1 illik müqavilə imzalayıb. Nigeriyalı ötən mövsüm “Kəpəz”in formasını geyinib.
Azərbaycan çempionatında “Zirə”də də çıxış etmiş yarımmüdafiəçi Premyer Liqada keçirdiyi 42 matçda 5 qol vurub.
Ahmed karyerası ərzində Portuqaliyalının “Ribeyrao”, “Oliveyrense”, “Vilaverdense”, “Jil Visente”, “Varzim” və “Sportinq Kovilya” klublarında da çıxış edib.
SPORTİNFO.AZ
