“İndidən gələcəklə bağlı zəmanət vermək doğru olmaz”.
Bu sözləri Sportinfo.az-a açıqlamasında “Qəbələ”nin legioneri Eyyub Allaş deyib.
“Qəbələ” 18 tura 14 xal toplayıb və 2023-cü ili turnir cədvəlinin son pilləsində başa vurub.
Belçika vətəndaşlığı daşıyan mərakeşli yarımmüdafiəçi çempionatın əsas mərhələsinin hələ irəlidə olduğunu, ruhdan düşmədiklərini bildirib:
“Qarşıda bütün komandaları çətin oyunlar gözləyir. Bizə də qələbələr lazımdır.
Bunu bacarsaq, əminəm ki, davamı gələcək. Sona qədər mübarizə aparacağıq”
