“Mənim üçün hansı mövqedə oynamağın fərqi yoxdur“.
Bu sözləri Sportinfo.az-a açıqlamasında “Qəbələ“nin fransalı legioneri Bilel Auaşeriya deyib.
1994-cü il təvəllüdlü vinger “Turan Tovuz”a qarşı matçda nominal hücumçu kimi oynadığını və het-trik müəllifi olduğunu xatırladıb:
“Bəli, 3 qol vurdum, amma oyun epizodlarında heç də yaxşı deyildim. Əlbəttə, qol vurmaq adımın hallanmasına səbəb olur.
Ancaq ayrı-ayrı epizodlara baxanda çatışmazlıqları görmək mümkündür. Baş məşqçi harada şans verirsə, orada oynayıram.
Məsələn, “Səbail”lə qarşılaşmanın son 10-15 dəqiqəsində “10 nömrə” funksiyasını yerinə yetirirdim. Sadəcə, hücumda çıxış edəndə daha rahat oluram, daha çox boş zona qazanıram“.