“Klubun hazırkı maddi durumu sabitdir”.
Bu sözləri Sportinfo.az-a açıqlamasında “Qəbələ”nin prezidenti Fariz Nəcəfov deyib.
O bildirib ki, maliyyə böhranı yaşadıqları barədə son vaxtlar çıxan xəbərlər həqiqəti əks etdirmir:
“Hansısa narazılıqdan söhbət gedə bilməz. Əvvəldən planlaşdırdığımız büdcə ilə gedirik.
Dövlət tərəfindən ayrılan məbləğ və sponsorlardan gələn gəlir vaxtında ödənilir. Əsas odur, maddi planda sıxıntımız yoxdur”.
