.jpg)
“Qəbələ” Premyer Liqada 200-cü qələbəsini qazanıb.
Sportinfo.az klubun mətbuat xidmətinə istinadən xəbər verir ki, bu, Misli Premyer Liqasının 18-ci turuna təsadüf edib.
“Qırmızı-qaralar” Qəbələ şəhər stadionunda “Sabah”la görüşüb. Elmar Baxşıyevin yetirmələri bu matçda 1:0 hesablı qələbə əldə edib.
Bu, 2006/07 mövsümündən Premyer Liqada çıxış edən “Qəbələ”nin üç xal qazandığı 200-cü oyun kimi tarixə düşüb. Komanda buna 522-ci oyunda nail olub.
“Qəbələ” evdə 113, səfərdə 87 dəfə qalib gəlib. “Qəbələ” ölkə çempionatları tarixində 200 və daha çox qələbə qazanan 7-ci komanda olub.
“Qəbələ” Premyer Liqada ilk qələbəsini 2006-cı il avqustun 26-da Qusar “Şahdağ”ı ilə səfər görüşündə qazanıb – 1:0.
.jpg)
