"Qəbələ”nin qapıçısı Rəşad Əzizli Azərbaycan çempionatlarında 100-cü oyununu keçirib. 29 yaşlı qolkiperin yubileyi Misli Premyer Liqanın XVII turuna təsadüf edib.
Sportinfo.az xəbər verir ki, o, "Səbail”lə səfərdəki matçda (0:3) meydana çıxıb. Əzizli bu 100 oyunda 143 qol buraxıb.
Qapıçının debütü "Rəvan”da forma geyindiyi 2015/16 mövsümündə gerçəkləşib. O, Premyer Liqada 8 klubda çıxış edib.
Rəşad "Rəvan”, "Şüvəlan”, "Neftçi”, "Sumqayıt”, "Şamaxı”, "Zirə”, "Səbail”in və "Qəbələ”nin şərəfini qoruyub.
