"Qəbələ"nin baş məşqçisindən gülməli iddia: "Hər kəs komandamıza hörmət edir"

2 Dekabr 2023 02:30 Qəbələ 454
"Qəbələ"nin baş məşqçisindən gülməli iddia: "Hər kəs komandamıza hörmət edir"

"Olimpiakos"a qarşı oyunları çox bəyəndim.

Doğrudur, nəticə onu demir, ancaq matçı izləyən hər kəs komandamıza hörmət bəsləyir".

Sportinfo.az xəbər verir ki, bunu "report"a açıqlamasında "Qəbələ"nin U-19 komandasının baş məşqçisi Famil Xəlilov UEFA Gənclər Liqasının II mərhələsində Yunanıstan təmsilçisi "Olimpiakos"a uduzduqları matçlar (0:3, 0:4) barədə danışarkən deyib.

Mütəxəssis komandanın heyətində gələcək vəd edən futbolçuların olduğunu bildirib:

"Deyirlər ki, yaxşı oyunçular çətin qarşılaşmalarda özlərini göstərənlərdir. Məncə, futbolçularımız ən yaxşı sözlərə layiqdirlər.

Səfərdə "Olimpiakos"a 0:4 hesabı ilə uduzduğumuz görüşün icmalını yaxın günlərdə paylaşacağıq. Hər kəs də qiymət verər.

Ümumiyyətlə, I və II mərhələlərdə oyunçuların cəsarətli və baxımlı futbolu məni çox sevindirdi".

Baş məşqçi növbəti mövsümdə də Azərbaycanı bu turnirdə təmsil etmək istədiklərini söyləyib:

"Vəsiqə qazanmaq üçün əlimizdən gələni edəcəyik. Çünki bu işdə böyük təcrübəyə sahibik. Artıq 8 ildir ki, bu atmosferdə oynayırıq".

“Qəbələ” I təsnifat mərhələsində Macarıstanın “Puşkaş Akademiya” klubunu üstələyib – 1:1, 1:0.

Digər Xəbərlər
Xəbər Lenti
29 Fevral 18:10 Çək və bizə göndər!
29 Fevral 11:00 Yaxşı, siz deyən olsun!
29 Fevral 07:30 Cəlal kubokla vidalaşdı
29 Fevral 02:40 Halal komanda!