Azərbaycan Premyer Liqasının 11-ci turunda "Sumqayıt" "Qəbələ"ni qəbul etdi.
Qolsuz bərabərliklə bitən matçın ikinci yarısını qonaq komanda azarkeş dəstəyindən məhrum olub.
Buna səbəb oyunun birinci hissəsinin sonlarında Qəbələdən gələn fanatlarla polislər arasında yaşanan gərginlik olub.
Asayış keşikçiləri azarkeşlərin tribunada siqaret çəkməsinə mane olub, söyüşlü şuarlar və formalarını çıxarmalarına qadağa qoyub.
Narazı olan "qırmızı qaralar"ın tərəfdarları tribunaları tərk etməyə qərar veriblər.
Bu əsnada tərəflər arasında yaşanan insidentdə 4 azarkeş polis bölməsinə aparılıb.
Bölgə klubunun rəsmilərinin bütün cəhdlərinə rəğmən azarkeşlərin hələ də sərbəst buraxılmasına nail olmaq mümkün olmayıb.
XANOĞLAN / SPORTİNFO.AZ
