Premyer Liqada qalmaq istəyən «Qəbələ» heyətini daha bir legioner transfer etmək niyyətindədir.
Bu barədə Sportinfo.az-a baş məşqçi Elmar Baxşıyev məlumat verib.
O, hücumameylli yarımmüdafiəçi axtarışında olduqlarını olduqlarını bildirib:
«İlk günlərdən rəhbərliklə söhbətdə demişəm ki, bizə iki yeni oyunçu da lazımdır. Samuel Tetteh gəldi, qaldı o biri.
Həmin mövqeyə bəzi namizədlərimiz var. Hələlik danışıqlar gedir.
Azad agent statusu daşısalar da, çox pul istəyirlər. Çalışırıq ki, büdcəmizə uyğun transfer edək».
Ölkə kubokunun sahibi bu mövsüm 9 yeni adı sıralarına qatıb. Bunlar Ahmed Ayzaya, Zurab Oçiqava, Lukas Afriko, Gilad Avramov, Osama Xalayla, Rauf Hüseynli, Bilel Auaşeriya, Rəşad Əzizli və Samuel Tettehdir.
