«Bəli, çətin vəziyyətlə üz-üzəyik».
Bu sözləri Sportinfo.az-a açıqlamasında “Qəbələ”nin hücumameylli yarımmüdafiəçisi Bilel Auaşeriya deyib.
Bölgə klubu Premyer Liqada keçirdiyi ilk 4 turda məğlubiyyətlə üzləşib. Belə fiaskoya səbəb nədir? Komanda niyə toparlana bilmir?
29 yaşlı fransalını dinləyək:
«Düşdüyümüz vəziyyətə görə kimisə günahlandırmaq olmaz. Birgə qələbə qazandığımız kimi, birgə də uduzuruq.
Yaşananlar xoş deyil. Növbəti turlarda azarkeşləri sevindirməyə çalışacağıq”.
“Qəbələ” bu yay Bilellə 2 illik müqavilə imzalayıb. “Sent Etyen”in yetirməsi vinger kimi də çıxış edir.
O, son iki mövsümdə “Jil Visente”də forma geyinib. Karyerası ərzində “Sent Etyen”, Portuqaliyada “Kovilya”, “Moreyrense”, “Farense”nin də şərəfini qoruyub.
